aden urang minang karano pandai "bacaruik", samo suko samba lado...

aden urang minang karano pandai "bacaruik", samo suko samba lado...

identitas dari suatu komunitas budaya nan paliang gampang mambedakan samo komunitas lain adolah dari bahaso nan dipakai (logat)...

ado suatu kebanggaan katiko awak jauah dari kampuang halaman mangecek dengan mampagunoan bahaso kampuang......ado romantika dan kerinduan akan kampuang halaman disitu.. salain dari labiah gampang awak ma ungkapkan sesuatu yang akan awak sampaikan ka urang nan samo dari asa awak....

bahaso itu namonyo BAHASO IBU....

Ambo pribadi mangakui ado kebanggaan dan kehormatan katiko ambo manguasai bahaso padang, apolagi kalau awak alah marantau ka palosok nagari antah barantah....

cubolah... kalau basobok samo urang padang di nagari ujuang langik... mangecek samo bahaso padang... sacaro indak langsuang ado ikatan emosional... ado raso aman.... pacayo lah!!

sampai kini ma ituang dalam hati atau bamimpi ambo masih pakai bahaso padang!!!

identitas kebudayaan awak bukan dinilai dari awak menguasai seluk beluk dari aturan-aturan adaik... tapi lanca atau indak lanca awak pakai bahaso ibu tadi....

namun sayang.... di padang sorang ado kecendruangan anak-anak ketek kini di didiak di "rumah" alah pakai bahaso indonesia raya tra lala tri lili....
mungkin apak samo mandenyo bangga kalau alah pakai bahaso indonesia raya tra lala tri lili dan mungkin nan labiah gawat alah malu pakai bahaso padang di padang (ranah minang)!!!

manuruik ambo cukuiklah bahaso indonesia di ajakan disekolah samo di tipi!!!... kalau indak jaan tingga di ranah minang... iko tingga dakek lapau manjua gulai jariang... samba di rumah masih cubadak ba angek an.... pakai bahaso indonesia juo lai....

banyak dari katurunan urang padang nan gadang dirantau.. manyasa indak bisa bahaso padang (mangarati lai...).. malah ingin baraja untauk bisa mangecek (walau logat indak bisa manipu).... Inyo maraso ado kahilangan karano hanyo manyandang pradikat "katurunan padang" bukan "urang padang"....

kini tasarah dek kawan-kawan lah... nan ka babini nan kapunyo anak, apo masih kamamakai bahaso padang sebagai bahaso rumah atau indak...



nan identitas sacaro internal (dari diri sorang) adolah masalah salero......, nan salero indak bisa mangicuah!!!...
kecek urang pizza tu lamak... kecek urang sushi tu lamak.... nan dek ambo labiah lamak samba lado goreang bada nan nyo buek dek amak den lai.......

jaan sakali-sakali sok mangicuah salero... bisa manjadi kuruih!!!!!